حياتي ودنيتي الجاية
يا لحن الحب والطيبة
يا غنوة حلوة كانت ليا
يا صاحبي ...يا اخويا ..يا حبيبي
يا فرحة قلبي ...آااه وعيدي
ولو كل الكلام اتقال ف ابويا
هيفضل جزء جوايا ومتخبي
محدش يعرفه قدي
هسرد حكايتي عن ضهري
وهقول كلامي عن ابويا
يا اول حضن باذهب له
لو الدنيا تضيق بيا
ابويا" وسندي" وحمايتي"
يا اكتر حد فرحان بيا
وبنجاحي وبأني بكبر يوم عن التاني وانا وياه
ولو مرة الدنيا جت عليا وبزيادة
ابويا بأيده كالعادة يمد أيديه
ويقولي "يا بنتي" الدنيا مش علي طول قلابة
وايدك انتي غلابة
هتغلب دنيا الاوجاع وتروح للفرح كالعادة
ابص ف عينه الاقي الدنيا ف عيونه بتندهلي
بأنه دنيتي واهلي
ولو هحكي عنه كلام كتير
ولو حتي هقول مواويل
قولوله بردو بأنه .......
ابويا وسندي وحمايتي
ومن اول يوم شرفت فيه ع الدنيا
ومن فرحته شالني دموعه وقتها نزلت
ولا يمكن حد يشوف اللحظة دي وقتها ويقول إنها لحظة زعل جت بنت جت ولد
كانت دموعه وقتها فرحة بأنه جاب بنوتة تشبهله
بكبر قدام عيونه كل يوم عن الاول
يقولي عروستي بنوتي ومن اول يعيد حكاوينا من صغري ابص ف ضحكته واضحك واكون فرحانة بوجوده
ولهذا الوقت انا وياه وأيدي ف أيديه ومش سيباااه
ولو وقعت في يوم ابويا سندي ف الدنيا
يقويني...
يقومني ...
من الشدة بكلامه
بأن الدنيا دي اوهاااام
وبدعيله وجوا عيوني شيلاه
وطول العمر عايشة له
ياااما ضحي عشاني وآن الوقت اني ارد جزء بسيط من وقفته جمبي
ولو عملت كل شئ واي شئ
هيفضل كل تفسيري بأنه جزء من ديني
وهذا الدين لايمكن ف يوم هقدر أسده
وبدعي ياربي تحميني لحد ما افرحه ولأجل اني اشوف ضحكته الغالية وبدعي ياربي احفظه وطول العمر يكون جمبي
"ابويا " وسندي" وحمايتي"
0 comments:
إرسال تعليق