بإفتراض إن الخيال
قرر بأنه يترسم
وأنه سهل ومش محال
يكسر قوانين العدم
وإن حلم العمر قادر
يظهرلي من سن القلم
كنت هرسم قلب وردي
قلب يشبه قلبك انتي
قلب خالي من الألم
قلب يسكن جوه روحي
يشفيها من كل الشجن
قلب لسه برئ وطاهر
خالي من حب المظاهر
قلب عمره ما أتسجن
.. ..
كنت هرسم ضحكتين
طفل ماسك وردتين
إنتي ياللي النظره منك
تشفي كل المجروحين
مدي إيدك م الخيال
وأحضني نبض السجين
أعبري بيا لحياه
خاليه من غدر السنين
انا لسه شايفك جنب مني
و لسه شايل دبلتين
كل يوم بالورد أروحلك
جنب قبرك
ليه خلفتي ليا وعدك
سبتي عيني تبكي بعدك
كل يوم تنزف حنين
وأنه قبل النوم كعادتي
برسل لقلبك كلمتين
.. ..
إفتحي بس الرسايل
وقفي الدمع الل سايل
بعد منك عمرى ضايع
قلبي أصبح قلب مايل
قلب آيل للسقوط
قلب مايل للضغوط
قلب كاره للحياه
قلب عاشق للوفاه
كل حلمه بس موت.
#ابراهيم_فضل
0 comments:
إرسال تعليق