مركز تاني شعر عامي
"شعر"
لوحدى مش كتابة في شعر
والشعر إيه غير سرد ما في القلب
كل البشر سابت ..
والحزن فيا متبت
من وجعي يومها كتبت
زاد الوجع ضعفين
كل البشر فانين
وأنا زى الورود في البساتين
إن يوم أهملتني أدبل
وأنا ملاقيتش اهتمام
غير في الورق والحبر
رتبت يومها كلام
من يومها صابني الشعر
وطبيعي
مريض الشعر محدش دارى بحاله
ومين في الدنيا ألقابه غير شعره
صديق وحدته قلمه
أنيس لياليه شوية كلام
طبيب آلامه الشعر
ف مين دلوقتي داري بحاله ؟
ومين بيشاركه أحزانه ؟
ومين في الشدة أبقاله؟
ومين بيقوله أحكيلي مالك ؟
أحكيلي عن أحوالك ..
مين باعك ومين خانك ؟
مفيش حد سأل مالك
ففضل سرد أوجاعه في هيئة شعر
ف مين أبقاله غير الشعر
_ملك غريب
#كُتاب_عظماء
0 comments:
إرسال تعليق