مركز اول شعر عامي
يا احلي بداية جوايا
يا كل شئ مالو نهاية
يانجمة حلوة في سمايا
بتنور كل لياليا..
مهما اقول شئ فيكي
عمري في يوم ما اوفيكي
ما انتي تحلي اي حياة
يا احلي واحدة في الكوكب
ترسم للقلوب دي حياة
ما انتي تشبهي النسمة
خفيفه في كل تفاصيلك
وجودك ضحكتك عقلك
حتي نظرتك ديه
بتمحي اي شئ فيه
وتسعد كل اوقاتي
بحبك كل يوم اكتر
يادنيا جميلة تشبهني
وبحكيلك ان القلب
في غيابك صابه التوهان
وان حياتي في وجودك
بقت الوان .....
ويمكن بالاخص الموف
لانه بيجذبك اكتر
واني مكتفي بيكي
ما انتي صاحبتي
واختي ..وحببتي
وكل شئ ليه
بيكي صلحت انا الدنيا
وحسيت ان بكرة امان
وبدعيلك كل السعادة تجيلك
وتدوملي ضحكتك ليا
ووجودك كل اول يوم
وصوتك وانتي بتقولي
انك متهوني عليه
يانقطة ضعف بتقوي مبتضعفش
ياادماني وامني واماني
ياكل شئ في كياني متاصل
وحالف انه ميتغير
بحبك كل يوم اكتر
#بقلمي اميرة صبحي مصطفي
#شعر
#كتاب_عظماء
0 comments:
إرسال تعليق