ارسم بسمة كانت عبارة عن فكرة جت من تحدى للظروف ولفكر الجمعيات التقليدى بدأت الفكرة من علا أبو النور يوم 30 مارس 2014 وبعدين بدأت أكلم بنات من خلال الفيس كانوا طلبة ثانوى عام وافقوا فوراً وبدأنا نحضر لأول تحدى وهو حفل لعدد 170 طفل فقدوا كلمة آب ووقت التحضير وجهنا صعوبات ومفاجات ولكن كان عندنا يقين في قدرة ربنا وقابلنا من المواقف ما لم نتوقعه في يوم من الأيام بدأ المتطوعين ينجذبوا للفكرة وينضموا
وكان معسكرنا هو الأول على الإطلاق اللى بيشمل كل أنواع الترفيه والتنمية والكفالة كان هدفنا اعمل خير وساعد الغير وشعارنا هو اذا اعطيتم فاغنوا وبعد الحفل قررنا نستمر وتعاهدنا الا نكل ولا نمل وأن نحمل مساعدة الغير هدف فوق عاتقنا اشتغلنا كفريق في كل أنواع المساعدات والحمد لله وبفضل ربنا وتوفيقه حصلنا على اشهار التضامن الاجتماعى برقم 3023 لسنة 2016 واللى وصلنا يوم 14 فبراير 2016 وكنا اول جمعية بالمنيا تحصل على الإشهار على مستوى الجمهورية
والحمد لله تنوعت أنشطة الجمعية بين كفالة تيسير زواج مساعدات عينية ومشاريع صغيرة
ودار تحفيظ وحفلات للأيتام قوافل طبية معارض ملابس وقوافل تحاليل ورحلات
وصلات مياة وكهرباء وافراح جماعية
قامت الجمعية على مجهود الشباب ف مختلف المراحل التعليمية واللى كانوا أصحاب الفضل في أى نجاح توصلت ليه الجمعية
واللى تميزوا فى كل المجالات وما زال الشباب يحملون فوق عاتقهم المسئولية الكبري لنجاح واستمرار العمل
0 comments:
إرسال تعليق