كتبت:: اسماء إبراهيم محمد
قصيده *
بعنوان *قدر الفراق*
هما اتنين ع الحب اتواعدوا
كان يوعدها وهيا تواعده
انه لا يعشق ابدا غيرها
وهيا لا تعشق ابدا بعده
وإن مفيش اسباب ف الدنيا
الا الموت علشان يتباعدوا
ولكن الحظ هو ال خداعهم
رغم ان الحلم ال ف بالهم
كان اسهل من بسيط
لكن القدر اتدخل بينهم
واتغير كل التخطيط
والقصص ال احنا سمعناها
كانت دايما ف الحواديت
يا البطل ف نهايتها يموت
يا اما البطله بتموت أكيد
بس تعالوا نشوف القصه
ونعرف مين مات بالتحديد
كان دايما يتأخر عنها
وميهتمش بالمواعيد
كانت تسأله ف يداري عليها
ويحكي ف اي كلام ويزيد
المسكين عايش بالقدره
كل يومين بيروح لدكاتره
عنده القلب ضعيف من فتره
وخبي عليها انه مريض
واما ابتدت الحاله تسوء
وبقي يغمي عليه ويفوق
حجزوه ف المستشفي ف عنايه
لحد ما يتحسن ويروق
بدأت تسأل ف التيليفون
كان علي طول يديها مشغول
راحت تسأل عنه صحابه
محدش فيهم كان بيقول
كان عندها احساس وفضول
ليه عنها عاوز يبعد
رنت مره الرقم مفتوح
امه شافت رقمها فردت
عرفت منها الوضع الحالي
بس ياريتها ماكانت عرفت
وقفت تبكي واخدت جنب
كانت صدمه كبيره عليها
كإن الصدمه دي عضة قلب
طلعت تجري بسرعه راحتله
لقت الاجهزه واصله بصدره
حست من ناحيته بالذنب
خبت دمع عنيها بالقوه
وهي بتتقطع من جوه
وقالت قوم ياحبيبي اناجيت
فاكر وعدك ولا نسيت
فتح عينه وهو بيبكي
وقلبه بيتقطع فتافيت
ردت حمدالله علي سلامتك
اسفه حبيبي ان كنت قلقتك
انا فرحانه ان انت صحيت
مسكت ايده عشان تفردها
فجأه ايديه فلتت من ايديها
وبكدا تكون خلصت
حكايته وحكايتها.
0 comments:
إرسال تعليق