الحزن خارم جحر جوا الناي
والفرح سافر برا اوتاري
والعجز واخد طاقتي من روحي
والنغمة تقفل جرح وتداري
وانا قلبي ساكن جوا جحر الناي
والحزن ساكن وسط احلامي
والفرح حالف ما يدق الباب
والضحكة باينة والزمن كداب
وبدأت أسرد وجعي في الغنوة
والناس بتدفع تذكرة للحفل
و فلوس تذاكر حزني ضعفه ازداد
والحزن ساكن والقلوب تتباع
والفرح اغلي ليا مش ليهم
والدمعة زادت يوم نزول المطر
والليل مصاحب قلبي من يومها
والفرق باين جوا عيني اكيد
مطرة وحزن وليلة برد ورعد
الناس تغني وسط شوارعهم
لنجوم في ليل او بنت كات حلوة
وانا صوت غنايا ساب في قلبي مكان
والنغمة يومها كات في شط البحر
والناس بتسمع حزني في اغاني
كان يومها زحمة وناس كتير واقفين
وعرضت حزني لكل قلب حزين
سقف جميع الموجودين بعدها
ضحكوا ومشيوا وحزني جيه في وقتها
الناس بتدفع لأجل حبة نغم
وانا طول حياتي دفع للمشنقة
# سماء عمر غزال
0 comments:
إرسال تعليق