مع السلامه يا حبيبي...
اكتب كل طلباتك وهجبهالك ونا راجعه..
-حاضر يا تيته
—يلا سلام
-سلام
---------------------------
بصيت علي البيت من برا بعد ما ودعت تيته اللي كانت رايحه تعمل عمره..شفت قد اي جماله بيبهت مع كل خطوه تيته بتبعد فيها ومسافره...دخلت وطلعت علي اوضتي.
مكنش قدامي غير اللاب توب فتحته..وبدأت اعمل اكونت..كان ديما محمود صحبي يقولي يبني الناس كلها عندها اكونتات وبتتعرف علي ناس جديده..
---------------------------
بتعمل اي يا محمود..
بكلم حد عالفيس
حد مين هو انت تعرف حد غيري ياحوده..
اه يبني عملت اكونت وبكلم ناس كتير وبنات كمان..
بص كدا ... دي اسمها روما اسم الصفحه انيقه بحجابي بعتلها ادد وبقينا صحاب...
ههههههههه ادد اي وصحاب اي يبني هي تعرفك اصلا ولا انت تعرف شكلها ..
اه هنتعرف واخليها تبعتلي صورتها استني بس ..
للحظه شردت بتفكيري لم محمود بدأ يهتم بموبايله اكتر مني..
-------------------------------
نسيت اعرفكم بنفسي
اسمي خالد.. بدرس في كليه تربيه..عايش مع تيته من ونا صغير..ومن حكاوي وكلام تيته معايا عرفت ان ماما وبابا ماتوا في حادثه وهم راجعين من الحج..
محمود دا صحبي الوحيد في كليه اداب..اكبر مني ب سنه..
------------------------------
طب اكتب اي..
اعمل الاكونت دا ازاى..
طب اكلم محمود اسأله واعرف منه ولا هيتريق عليا
لا لا انا هعمل الاكونت دا
--تم تسجيل دخولك--
اي دا بقي عندي اكونت اخيرا..
محمود كان بيقولي انه ممكن اكلم اي حد واتعرف عليه
هبعت طلبات الصداقه دي واقوم اشوف المشاريع اللي ورايا عشان اخلصها...
بعت كام ادد وقفلت
--------------------------------
الو
استاذ خالد معايا
مين بيتكلم
مع حضرتك طارق ونأسف للخبر السئ. دا بس جده حضرتك توفت..
اييييه..
انت بتخرف تقول اي
حبيت ابلغك عشان تيجي تستلم الحاجات الي كانت معاها..
مع السلامه
---------------------------------
خلاص البيت فضي وتيته راحت..
ومصيرها من مصير ماما وبابا..
طب وبعدين هتفضل كدا كتير..
حوار مع نفسي كل يوم...
بدأ البيت يزيد ف اكتئابه
ويبهت اكتر واكتر
طب اي ياعم خالد هتفضل كدا كتير
سيبني يا محمود مش قادر اتكلم
خد بس تعالي.
تعالي نفتح الاكونت بتاعك ونتفرج علي سبيس تون اللي زاحم بيها صفحتك دي..
ياخالد ي حبيبي الفيس دا يعني cover ليك تعمل شخصيه جديده عشان الناس تقربلك اكتر..
اي دا اي دا اي دا
والله وطلعت خاربها ياعم خالد
مين زهرة الحياه دي وبعتالك هاي كمان..
زهرة. اي لا معرفهاش تلاقي بس حد بيهزر اقفل اقفل
استني بس دي سيبالك نمره موبايلها تعالي نكلمها
يامحمود انا عاوز انام اقفل الزفت دا.
------------------------------
محمود سابني ورجع بيته..
ونا اخدت اللاب وطلعت اوضتي..
حاولت انام مجاليش نوم..فتحت الاكونت لقيت لسه. المحادثه بتاعه زهرة الحياه دي والرقم
سجلته عندي ورنيت
-الو.
البقاء لله ف جدتك ربنا يجعلها اخر الاحزان
-كان اول صوت حلو يدخل ودني من يوم ما تيته ماتت
-مين حضرتك..
انا نور اي مش فاكرني كنت معاك ف الجامعه..
-نور؟؟
(نور...البنت الوحيده الل طلبت منها كشكول المحاضرات ورفضت ساعتها..اي فكرها بيا دي )
اييييه روحت فين ياعم
-ها..!
انا قولت اننا كنا زمايل ف يوم م الايام وواجبي اعزيك وكدا..
-اه ايه تسلمي ربنا يخليكي
طب هقفل بقا شكلي سهرتك او معطلاك عن نومك
-ماشي سلام
سلام
فضلت شويه سرحان ف الولا حاجه وبفكر ف نور وفالموقف دا..
---------------------------------------
تاني يوم
صحيت علي رنه موبايلي ...
اي دا
دي نور
-الو
اي كل دا نوم يالا قوم بطل كسل
-خير في اي
مفيش بس انا قاعده ف كافيه عالكورنيش تحب تيجي نشرب القهوه سوا..
-طب شويه هلبس وانزل
(بلبس ونا مستغرب اللي انا فيه واللي بيحصل دا..نزلت ورحتلها الكافيه)
-نور
خاالد ازيك اقعد اقعد تشرب اي
-قهوه طبعا
لسه بتشربها مظبوط
-اكيد طبعا مانتي عارفه مش بحب اغير.
ها خلصت قهوتك
-اها
طب تحب تتمشي شويه ولا انا معطلاك
-لا مفيش مشكله يالا
(مشينا كتير عالكورنيش واتكلمنا اكتر وقضينا وقت كبير مع بعض)
روحت البيت فتحت وبعتلها مسج شكرا عالقهوه واليوم الجميل دا ونمت...
---------------------------------
نور قربت مني بشكل كبير
قربنا خالص بقينا. بنتكلم كل يوم
كل وقت تقريبا..
بنخرج كل يوم
جابتلي شغل ف المدرسه اللي هي شغاله فيها وبقينا شغل وغيره مع بعض وبنكبر مع بعض..
-----------------------------------
نور تتجوزيني..
كانت اخر مسج ابعتها قبل م اركب الطياره
مسافر تبع الشغل
--------------------------------
اللي بتتكلم دلوقت نور
بتقول انها حبت خالد من اول يوم شافته فيه وكانت. مستنياه يكلمها او ياخد خطوه ناحيتها....
بتقول خالد كان ديما متأخر
حتي ف احسن قراراته اتأخر
لان الطياره ولعت فالجو
وخالد مات
------------------------------------
اول مره اكتب ومعرفش هي حلوه ولا لا اصلا
بس اهو تجربه لحاجه جديده
#واحي
0 comments:
إرسال تعليق