سهم الوجع
صاب الجدع
بعد اما شال
حمل الجبال
زي الحديد بيلين ساعات
داري ف حكايات
قلبه انفطر
اصبح حجر
كتر الهموم
زي السموم
زادت ف خوفه من البشر
لعب القدر
حبه القديم
بعد وهجر
بعد الفراق
زاده اشتياق
ملعونه دنيا بتكسره
وكل يوم بتحسره
ع بيت ولمه
وشله حلوه
وطفوله ضاعت
ف حفظ غنوه
ع أب مات
سابه ف شتات
سايبله هم اربع بنات
ع صحبه خايبه
ف الهم سايبه
ومقدروش
خلق بوشوش
ملعونه دنيا محبتوش
#نور_سيد
0 comments:
إرسال تعليق